六四

講起六四，好多人可能會避之則吉，亦有人可能會唔太清楚。

老師有好多感觸，今日甚至為當年的英靈獻上一曲。



事實上，我身為一個文科人，

本身對六四就只有"坦克"、"大學生"、"死於非命"等一大堆概念詞。

唔系話擦鞋，

不過正常咁設身處地諗下，

見到一班手無寸鐵嘅學生，

比一架架坦克轆過，

比一粒粒子彈射過，

比一堆堆烈火燒過，

相信一個稍有良知嘅生物，

都會因而感動。



24年后，安全嘅香港人，

口口聲聲話平反六四，

有幾多個真正了解平反嘅意義系乜？

而家苟且偷安嘅我地尼班溫室學生，

口口聲聲話唔滿意班蝗蟲，

又有邊個夠薑好似24年前嘅尼班學生咁？



六四，對每個人有唔同嘅意義。

記得今日中史老師話：

一個國家，

用自己嘅軍隊，

屠殺自己嘅人民，

全然系一份不可接受嘅羞恥！

我將重點放系，

中國點樣講尼件事，

簡單兩個字，

暴亂。



一詞"暴亂"，

徹頭徹尾醜化了成件抗爭，

亦殲滅了當年學生嘅抗爭合理性同埋抗爭必然性，

簡單啲講，

即系無視同埋歪曲學生抗爭嘅本義。



真心果句，

令我想喊嘅衝動，我有。

但令我真系喊得出嘅場面，抱歉真冇。

可能我哭點高，

又或者我覺得恥辱多過感觸，

我覺得好令人痛心。

我好憎啲人成日有口話人但冇口話自己，

中國有口話日本無視南京大屠殺，但冇口話自己無視六四，

唔系一樣咩？



其實我真系冇乜大智慧，

只系見到一堆堆血肉模糊的屍體，

同埋上一分鐘仲同人民有講有笑嘅，揸槍嘅解放軍，

心情難免有啲沉重啫...



願亡者安息

願生者毋忘

六四之悲劇

願不再重演

明暸其真義

向民主邁步